Fagområde

Forskinga har vore knytta til ei rekkje brukarstyrte prosjekt. God kontakt og kunnskap om utfordringane hjå produsentane og i omsetningskjeda har gjort arbeidet tydeleg brukarretta. Men det har vore eit (altfor) vidt spenn i FoU-oppgåvene. 

Hovudtema har vore:

Fruktkvalitet og postharvest forrsking 

Utprøving av metodar og uytstyr for optimal haustetid i høve til fruktkvalitet og lagringsevne. Plommer har alltid vore ei favorittfrukt og fleire store prosjekt er gjennomført for å styrkja plommedyrkinga og sikra jamn høg kvalitet på dei marknadsførde plommene. Lagringsprosjekta har vore både med plommer og eple. Internasjonalt forskingssamarbeid har hatt fokus på ikkjeøydeleggjande målemetodar for mogningsgrad og kvalitet i frukt; med m.a. forskingsopphald i Italia og Slovenia. 

Økologisk fruktdyrking 

Har arbeidd med sortsval, dyrkingssystem, plantehelse og næringsforsyning; m.a. om frigjeving av næring i jorda etter mekanisk ugrasreinhald (fresing). I eit prosjekt med m.a. Italia, Estland, Danmark og Tyskland vart det arbeidd med jusmengder og kvalitet med ulikt presseutstyr og dyrkingsmetode. Ulike turkemetodar for plommer vart prøvd i høve til og korleis det påverka mengda av vitamin og andre antioksidantar.

Sider

Mot slutten av førre århundre vart det (litt) meir liberale lover om alkoholproduksjon og omsetning, og det vart interesse for småskalaproduksjon av lokal tradisjonsrik mat og drikke. Satsinga på sider passa godt inn i denne trenden. For Forsøksgarden på Lofthus (no NIBIO Ullensvang) byrja det med råd om kva eplesortar som passa best til sider. Dette vart fylgt av ei rekkje FoU-prosjekt om sider i Hardanger som Hardanger Siderprodusentlag med leiar Asbjørn Børsheim ynskte. Det var viktig for den nye næringa at all marknadsførd sider heldt jamn god kvalitet. Dette gav NIBIO høve til å byggja opp kompetanse i samarbeid med den franske sider- og Calvadosprodusenten og konsulenten Herve Duclos (bilete nedst på sidene) og skaffa seg nasjonale og internasjonale nettverk om sider. Vinforskingssenteret til Universitetet i Nova Gorica i Slovenia har hjelpt oss forsking på metodar og gjærtypar i siderproduksjonen i Hardanger. Nye pågåande prosjekt byggjer vidare på dette samarbeidet. Eivind Vangdal SIDERRÅD er partnar i prosjektet om Smaken av Hardanger. 

MEIR OM KVA ME KAN OM NORSK SIDER PÅ NESTE SIDE 

Andre forskingstema - fiskeslam og makkajus

Etter innspel frå fiskeoppdrettsnæringa og andre som arbeider med utnytting av avfallsprodukt frå denne næringa, vart det gjennomført prosjekt for å kartleggja mogleg gjødslingsverknad eller plantehelse verknader av ulike preparat og slam frå oppdrett. Det vart utprøvd på frukt, bær og gras. Dette slammet er ein stor ressurs som kan og må utnyttast. Biogass er eit anna alternativ. I eit tilsvarande prosjekt vart effektar av væske frå meitemarkkompost (makkajus) på plantevekst og helse undersøkt.

NIBIO og sidernæringa: